Мұздай қаруланған лаңкесті капитан Ғазиз Байтасов дәл осы тұста құшақтай құлап тоқтатқан. Жарылғыш зат іске қосылып кетіп, жанкештімен бірге жазым болған еді. Осылайша есіл ер өзгенің жаны үшін өз өмірін қиды. Бұл ерлігіне оған «Халық қаһарманы» атағы берілген. Шаһардағы бірнеше көше мен білім ошақтары батыр есімімен аталады. Жалпы 3 полицей мен ұлттық қауіпсіздік комитетінің 2 қызметкері міндетін орындау кезінде қаза тапса, екі жергілікті тұрғын адасқан оқтан ажал құшқан. Қапыда құрбан болғандардың даңқын дәріптеу, ұлтқа ұран, ұрпаққа аманат. Бүгінгі іс шара соның бір айғағы.
Гүлжамал Тәжиева, Ғ.Байтасовтың жары:
-Үш жылдан асса да отбасымызға қиын. Ол ешқашан да ұмытылмайды. Өйткені Ғазиз ұлдарының сүйікті әкесі еді. Ғазиз халықтың ұлы болғандықтан, жыл сайын осындай іс-шаралар өткізіледі. Халық ұмытпайды, құрмет көрсетуде. Соның өзі бізге қолдау көрсетеді.