Жарияланды: 80

Таразда көпқабатты үйде болған жарылыс: Қаза тапқандардың саны артты

Таразда көпқабатты үйде болған жарылыс: Қаза тапқандардың саны артты

Таразда көпқабатты үйде болған жарылыстан үш адам қаза тапты.

Бұл туралы Tеngrinews.kz тілшісі Жамбыл облыстық Денсаулық сақтау басқармасының баспасөз қызметіне сілтеме жасап хабарлады. Осыған дейін екі адамның - әйел адам мен ер адамның қаза тапқаны хабарланған еді.

Еске салайық, бұл оқиға бүгін, 27 ақпанда таңғы уақытта болған. Нақтыланған мәліметтер бойынша, 145 адам эвакуацияланған. Үш пәтер бүлінген. Сондай-ақ, сол үйдегі тұрғындардың көбі пәтерді жалдап тұрғаны айтылады. "Шамамен сағат 06.20-да 9-ықшамауданда жарылыс салдарынан зардап шеккендер жайлы мәлімет түсті. Барлығы алты адам зардап шекті, үш адам оқиға орнында қаза тапты. Үш адам қалалық №1 және №2 ауруханаларға, сондай-ақ, облыстық балалар ауруханасына жеткізілді. Үш адамға көмек көрсетіліп, олар үйіне жіберілді. Ауруханаға жатқызылғандар қажетті дәрі-дәрмектермен қамтамасыз етілді", - деп хабарлады баспасөз қызметіндегілер. Сонымен қатар, зардап шеккендерге медициналық және психологиялық көмек көрсету мақсатында дәрігерлер мен психологтардың көмегі көрсетіліп жатқаны айтылады. Осыған дейін төтенше жағдай туралы премьер-министр Асқар Мамин шұғыл түрде Нұрсұлтан Назарбаевқа баяндады. Мемлекет басшысының тапсырмасы бойынша ҚР премьер-министрінің орынбасары Жеңіс Қасымбектің төрағалығымен үкімет комиссиясы құрылды. Комиссия мүшелері Тараз қаласына оқиға болған жерге жөнелді.
 

 

Пікір қалдырыңыз

Пікір қалдыру тіркелген пайдаланушылар ғана мүмкін