Жарияланды: 230

Ташкентте қымбат көліктердің соңына түсті

Ташкентте қымбат көліктердің соңына түсті

Ташкент қаласында жол-күзет қызметі қымбат автокөлік иелерін тоқтаып, оларға түрлі айыппұлдар салуды, айыппұл тұрағына апарып қоюды жиілетті. Өзбекстан астанасындағы тексерулер Ұлттық қауіпсіздік қызметінің қатысуымен жүргізіліп жатыр.

Рейдтер нәтижесінде 10 қазанда Ташкент жолдарында ондаған автокөлік ұсталған. Олардың барлығы айыппұл тұрағына қаңтарылған. Жүргізушілер авткөліктерін ала алмай жүр.

Жол-күзет қызметінің бір офицері негізінен қымбат көліктер ұсталып жатқанын айтты:

"Соңғы уақытта Ташкентте байлар көбейді, олар МАИ қызметкерлеріне менсінбей қарайды. Сол себепті біз оларды ұстап, жөнге келтіріп жатырмыз", - деді ол.

Айыппұл төлегендердің арасында үкімет шенеуніктері де бар. Ташкенттік жүргізушілер болмашы себептерге бола айыппұл салатынына шағымданды.

Пікір қалдырыңыз

Пікір қалдыру тіркелген пайдаланушылар ғана мүмкін