Жарияланды: 600

ТМД Парламентаралық ассамблеясының 21-отырысы Санкт-Петербургте өтеді

Бүгін, 16-маусымда ТМД Парламентаралық ассамблеясының штаб-пәтері орналасқан Таврический сарайында ТМД Парламентаралық ассамблеясының 21-отырысы өтеді,- деп хабарлайды Ресейдің "Новости" ақпараттық агенттігі.

ТМД Парламентаралық ассамблеясы Кеңесінің бас хатшысының хабарлауынша, Ассамблеяға қатысушы мемлекеттердің парламент төрағалары қатысатын бұл бас қосуда Санкт-Петербург қаласына, оның тарихтағы роліне , және Достастық мемлекеттерінің экономикасы мен мәдениетіне қатысты мәселелерге баса назар аударылады. Осы орайда естеріңізге сала кетсек, дәл осы ТМД Парламентаралық ассамблеясы 2003-жылды ТМД елдеріндегі Санкт-Петербург жылы деп жариялауға мұрындық болғаны белгілі. Сондай-ақ, жалпы отырыс барысында "Мемлекеттік құпия туралы" , "Мемлекеттік емес , жеке меншік күзет қызметі туралы" модельдік заңдар, содай-ақ, модельдік Салық Кодексінің "Шағын кәсіпкелік субьектілеріне салық салудың жеңілдетілген жүйесі " туралы үшінші бөлімі мен модельдік Азаматтық Кодексінің "Санаткерлік меншік" жөніндегі 5-бөлімінің жаңа редакциясы сарапқа салынады деп күтілуде. Бұл күні сондай-ақ, ТМД Парламентаралық ассамблеясының штаб-пәтерінде аталмыш құрылымның саяси мәселелер және халықаралық ынтымақтастық жөніндегі тұрақты комиссиясының отырысы мен ТМД Парламентаралық ассамблеясы Кеңесінің отырысы өтеді деп жоспарланған.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть