Токиода Қазақстан Республикасының 2015-жылға дейінгі индустриялық-инновациялық даму стратегиясының тұсаукесері өтті

Қазақстанның осы елдегі елшісі Болат Нұрғалиев Жапонияның іскерлік әлемінің ірі өкілдеріне инновациялық стартегияның міндеттері, принциптері және басты ережелері туралы таныстырды. Сондай-ақ, кездесу барысында Б.Нұрғалиев Қазақстандағы экономикалық ахуалды сипаттап, мұнайгаз, металлургия, ауылшаруашылығы, көлік әлеуеті және коммуникациялық инфрақұрылым салаларының даму болашағы туралы әңгімелеп берді.

Тұсаукесер шарасы экономикалық ынтымақтастық жөніндегі Жапон-Қазақстан комитетінің хатшылығы мен РОТОБО ұйымының мұрындық болуымен ұйымдастырылды.