ҚҰРМЕТТІ КЛИЕНТ!
- Уақытша қаржылық қиындыққа ұшырасаңыз, Тұрғын үй құрылыс жинақ банкі сізге 2020 жылғы 16 наурыздан кейін өтелуі тиіс ТӨЛЕМДІ 90 КҮНГЕ ШЕГЕРУГЕ мүмкіндік береді. Шегерілген төлемге негізгі қарыз да, несие сыйақысы да кіреді. Бұл сіз жазған өтініштің негізінде жүзеге асырылады. Өтініште кейінге шегерудің не себепті қажет болғанын көрсету керек, бірақ банк қосымша растау құжаттарын талап етпейді. Төлемді кейінге шегеру мүмкіндігі автоматты түрде беріледі. Алайда өтінішті дәл осы сәтте берудің қажеті жоқ, оны кейінірек жасайсыз. Қазір үйде отырғаныңыз жөн.
- Төлемді шегеру туралы өтініш Төтенше Жағдай аяқталған соң, яғни 2020 жылғы 15 сәуірден бастап интернет-банкинг арқылы қабылданады. Барлық өтініш мақұлданады. Шегеруді 2020 жылғы 16 наурыздан кейін өтелуі тиіс төлемдерге қатысты қолдануға болады. Онлайн-өтініш беру кезінде 2020 жылдың 16 наурызындағы жағдай бойынша уақтылы өтелмеген несие төлемі болмауы керек екенін ескеріңіз. Үйден шықпауды және уайымдамауды өтінеміз, себебі төлемді кейінге шегеру несие мерзімін 3 айға ұзарту арқылы жүреді. Бұл сізге ай сайынғы төлем көлемін қалыпты деңгейде ұстап қалуға көмектеседі.
- Алдын-ала және аралық заем алушылар тұрғын үй заемына өту мерзімі шегеру уақытына ұзартылатынына ескеруі тиіс.
- Сондай-ақ біз 2020 жылғы 16 наурыз бен 16 маусым аралығында уақтылы өтелмеген төлемдер бойынша айыппұл және өсімпұл қоспаймыз. Осы үш ай ішінде негізгі қарыз бен сыйақыны өзіңізге ыңғайлы уақытта ыңғайлы күні толық өтесеңіз, төлемдерді кейінге шегеру туралы өтініш бермей-ақ, қолайлы несие өтеу кестесін таңдап, айдың кез келген күнінде қарызды өтей аласыз. Мұны үйден шықпай-ақ онлайн жасауға болады.
- 2020 жылғы 30 наурыздан бастап карантин аяқталғанша Қазақстан аумағындағы БАРЛЫҚ ФИЛИАЛДА Тұрғын үй құрылыс жинақ банкі клиенттерге қызмет көрсетудің жаңа нұсқасына өтеді. Біз бөлімшелерде несие өтініштерін қабылдауды, посткредит және постдепозит операцияларды уақытша тоқтатамыз. Бұл кезде сіз Банкке келіп, тек екі операцияны қолдана аласыз: депозитті бөлу/тоқтату арқылы ақшаңызды алу, сондай-ақ заемның бір бөлігін жабу немесе оны толықтай өтеу. Бұл операцияларды пайдалану үшін сізге банк сайтындағы онлайн-брондау арқылы алдын-ала жазылу керек. Басқа жағдайларда коронавирусты таратпау мақсатында сізге қызмет көрсетуден бас тартуға мәжбүр боламыз.
- Нотариустардың жұмысына тыйым салынбаса, 27 наурыз 18.00-ге дейін берілген және мақұлданған барлық несие өтініші клиентті телефонмен жеке хабарласып шақыру арқылы берілетін болады. Қазір біз 1000 шамасындағы несие өтінішін қарастырып жатырмыз, 200 өтініш берілу кезеңінде. Карантин аяқталғанша сатып алу-сату мәмілесін жасаспауға шақырамыз, алайда ауырып қалу қатерінен де жоғары тұрған дүниелер болса, несие өтінішіңізді қарастырып, соңына дейін жүргізіп береміз.
- Несие өтеу және депозит толықтыру сізге ыңғайлы болуы үшін қаладағы карантин режимінде ашық тұрған орындарда орналасқан төлем терминалдары істейді. Алайда сауда-ойын орталығы мен базар іздеп қалада жүрмей, төлемді ЖССБ 24 интернет-банкингі арқылы жүргізуге шақырамыз. Мұнда сіз кез келген банктің төлем картасын қолдана аласыз.
Сіз үйде қалады деген үмітпен біз банкте жұмыс істеп жатырмыз.
Байланыстың бәрін мүмкіндігінше онлайн режимде жүргіземіз және сізден клиенттерге арналған осы 7 қадамды қолдауды сұраймыз.
Біз біргеміз, себебі өз үйіміз туралы АРМАНЫМЫЗ ОРТАҚ. Ал алынбас қамал, әлемдегі ең қауіпсіз орын – басымыздағы баспана екені белгілі.
Ізгі ниетпен, Тұрғын үй құрылыс жинақ банкінің Басқарма Төрайымы Ләззат Ибрагимова
Соңғы жаңалықтар
Мемлекет басшысы Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясын өткізді
Жаңалықтар
25 Сәуiр
Алматы әуежайында Air Astana ұшқышы есірткіге мас күйде ұсталды
Жаңалықтар
25 Сәуiр
Еркін күрестен соңғы лицензиялық турнирге баратын балуандар белгілі болды
Жаңалықтар
25 Сәуiр
Қиындықтың артында бір жақсылық тұр - Президент
Жаңалықтар
25 Сәуiр
"Жел шығарып, қақырынып отыра береді": Кореяда өмір сүретін қазақ қызы кәрістердің ұнамсыз қылықтарын айтты
Жаңалықтар
25 Сәуiр
"Тізерлеп тұрып, “сүйемін, ұрмаймын” деді": Бұрынғы күйеуіне қосылып, өлім құшқан қазақ әйелінің оқиғасы елді жылатты
Жаңалықтар
25 Сәуiр
Өмірлік жөн-жоралғылар: Қазақтың ырым-тыйымдары
Жаңалықтар
25 Сәуiр
Су тасқыны салдарынан қанша бас мал өлгені белгілі болды
Жаңалықтар
25 Сәуiр
"Ит те болса соның тұқымын өсіріп отырсың, хайп қумай тыныш отыршы": Бишімбаевтың бұрынғы әйелі елден оңбай сөз естіді
Жаңалықтар
25 Сәуiр
Қазақ тілі уақыт өте келе этносаралық қатынас тіліне айналады - Қасым-Жомарт Тоқаев
Жаңалықтар
25 Сәуiр