Түркияда ИГИЛ-ге қосылмақ болған 38 шетелдік ұсталды

Түркияның Адана қаласында Ирак пен Левант лаңкестік ұйымының қатарын толықтыруға кетіп бара жатқан 38 шетел азаматы құрықталды. 

Тергеу барысында олардың Әзербайжан, Индонезия, Ирак, Қырғызстан мен Тәжікстан, Иран және Ауғанстан елдерінің азаматтары екендігі анықталды. 


Түрік басылымдары ұсталған шетелдіктердің арасында 15-і жас бала, 10 әйел және 13 ер кісі болғанын хабарлайды. Қазір олардың барлығы өз елдеріне кері қайтарылу үшін көші-қон полициясына жеткізілді. Ал 38 адамды шекара асырмақ болған екі кісі тұтқындалды.