Вице-премьер-Индустрия және жаңа технологиялар министрі Әсет Исекешов Бурабайда өткен Шетелдік инвесторлар кеңесінде президент Нұрсұлтан Назарбаевты курортты аймақты дамыту жоспарымен таныстырды.
Ведомство баспасөз қызметінің хабарлауынша, жоспарға бес түрлі бағыттағы іс-шаралар енгізілген. Олар: курортты аймақтық туристік әлеуетін дамыту, экологиялық проблемаларды шешу, көлік-логистика және телекоммуникациялық инфрақұрылымды дамыту, қауіпсіздікті қамтамасыз ету.
2020 жылға қарай Щучинск-Бурабай курортты аймағын жыл бойы жұмыс істейтін курортқа айналдыру көзделген. Оған 1 млрд 544 млн доллар қаражат қажет. Курортты аймақты дамыту арқылы жаңадан 29 мың жұмыс орны ашылып, 2020 жылға қарай туристер саны қазіргі 300 мыңнан 1 миллионға дейін жетуі тиіс.