Жарияланды: 80

"Үлкендігі жаңғақпен бірдей": Ақтөбеде бұршақ жауып, ұсақ мал қырылып қалды

"Үлкендігі жаңғақпен бірдей": Ақтөбеде бұршақ жауып, ұсақ мал қырылып қалды

Ал өлмей, бірақ әлсіреп қалғандарын ауылдықтар өздері бауыздап алуға мәжбүр болған. 

Ақтөбе облысында ұсақ мал бұршақ аралас жауған жаңбырға шыдамай, жаппай қырылды, деп хабарлайды Caravan.kz медиа порталы Stan.kz-ке сілтеме жасап. 

Ауыл тұрғындарының айтуынша, жауған бұршақ жаңғақтың үлкендігімен бірдей болған көрінеді. Шамамен 100-ден аса мал басы қырылған.

Мамандар малшылар қой мен ешкі жүнін ерте қырқып тастаған айтады. Сол себепті де ұсақ мал бұршақ пен жаңбырға шыдамапты. Ал өлмей, бірақ әлсіреп қалғандарын ауылдықтар өздері бауыздап алған.

"Зардап шеккен малдың барлығын союға тура келді. Бұл жылы бірінші рет орын алып отырған жағдай. Қазір малшылар қой-ешкінің жүнін қырқып тастады, алайда ауа райы әлі тұрақтала қоймады. Мұндай жайт қайталанбас үшін малға жіті көңіл бөлген жөн", – деді облыстық ветеринария басқармасы басшысының міндетін атқарушы Иса Базаров.

Пікір қалдырыңыз

Пікір қалдыру тіркелген пайдаланушылар ғана мүмкін