Ұлыбритания сыртқы істер министрі жұмыс сапарымен елімізге келеді

Алты сағатқа созылатын сапар барысында Джек Стро Елбасы Нұрсұлтан Назарбаевпен, ҚР СІМ Қасымжомарт Тоқаевпен кездеседі.

Ұлыбритания сыртқы істер министрі Ұлыбритания біріккен корольдығы мен Солтүстік Ирландия елшілігінің Астанадағы өкілдігінің ашылу салтанатына қатысады. Сондай-ақ, Джек Стро Елбасының мәдениет орталығын, «Астана бас жоспары» кәсіпорнын және «Бәйтерек» кешенін аралайды деп жоспарланған.