Бұл туралы Caravan.kz порталы Zanmedia.kz -ке сілтеме жасайды.
Өнерінен бөлек өмірі жайлы ашыла сыр ақтарды. Нұрбек мырза бірінші әйелі мен ұлын 27 жылдан бері көрмеген екен. Ұлын іздегенімен, онымен қазір кездесуге дайын емес.
Нұрбек Мәдиев студент шағында Лиза есімді арумен танысып, шаңырақ құрған. Арада бір бала бар. Алайда неке сәтсіз аяқталып, ғашықтар екі жаққа кетті. Актер содан бері бірінші әйелін де, одан туған ұлды да көрмеген. Ата-әжесі де 4 жыл баққан Бексұлтан есімді немересін сол күйі көрмепті.
“Лиза екеуміз жатақханада тұрдық. Тұңғыш ұлымды менің әке-шешем бақты. Олар бауыр басып қалған шағында әйелім алып кетті. Құдалар бір-бірін түсінісе алмады. Құдалар ұрысып жатқаны маған ауыр тиді. Сосын ажырасайық дедім. Әйелім ұлын алып кетті. Сол кеткеннен өзін де, ұлымды да көрмедік.
“Әке-шешем немересін іздеді. Әкемнің бір көрсем деген арманы орындалмай кетті. Жақында әкем өмірден өтті. Енді анамның арманы орындалғанын қалаймын”, – деді актер.
Актер 27 жыл көрмеген ұлын іздейді. Әжесімен қауыштырғысы келеді. Бағдарлама ұжымы бір ай іздеп актердің ұлын тапты. Алайда әкесі ұлымен кездесуге дайын емес. Онымен телефон арқылы сөйлесуден бас тартты.
“Мен қазір ұлыма телефон шалуға, сөйлесуге, кездеуге дайын емеспін. Әжесімен сөйлеспесе, маған біраз уақыт керек”, – деді ол.
Актер жақын уақытта өз анасының немересімен кездессем деген арманын орындауға уәде берді.
