ҰҚКД қызметкерлері Шымкент тұрғынынан 27 мың жасанды доллар тәркіледі

12-шілде, дүйсенбіде ҰҚК-нің Оңтүстік Қазақстан облыстық департаментінің қызметкерлері жедел іздестіру шараларының нәтижесінде 27 мың жасанды долларды сатуға әрекет жасаған Шымкент тұрғынын қолға түсірді. Бұл туралы KZ-today тілшісіне ҰҚК-нің Оңтүстік Қазақстан облыстық департаментінен хабарлады.

Баспасөз қызметінің ақпаратына сәйкес, жасанды ақша «жоғары техникалық деңгейде» жасалған екен.

Қазір ҰҚК-нің облыстық департаментінің тергеу басқармасы аталмыш дерек бойынша ҚР Қылмыстық Кодексінің «жасанды ақша немесе құнды қағаздарды жасап сату жөніндегі» 206-бабы, 2-тармақшасы бойынша қылмыстық іс қозғап тексере бастады.