Германия азаматы Астана-Мәскеу бағытындағы ұшақ қызметкерлерін аяғынан тік тұрғызған. Ащы суға сылқия тойып алған жолаушы бастапқыда бортсерікті балағаттап, тіпті ұшақты жарып жіберемін деп қоқан-лоқы көрсеткен көрінеді. Ол аздай кәсіпкер оқиға орнына жеткен тәртіп сақшыларына да әкіреңдеп, жағдайды мүлдем ушықтырған. Қызуқанды қонақтың кесірінен ұшақ уақытынан 1 сағат кеш көтерілді. Оған қатысты елордалық прокурорлар бірден екі қылмыстық іс қозғап, ірі көлемде айыппұл салынды. Негізі 47 жастағы германиялық азамат Ақмола облысының тумасы екен. Енді осы бұзақылығы үшін қазіргі отанына қуылатын болады.