Жарияланды: 140

“Видеоның өзі PR”: Балқадиша әнін орындаған зор дауыс иеcі қойшы болмай шықты (Видео)

“Видеоның өзі PR”: Балқадиша әнін орындаған зор дауыс иеcі қойшы болмай шықты (Видео)

Әлеуметтік желі оқырмандары біраз уақыт бұрын "Балқадиша" әнін нақышына келтіріп орындаған әншіні қойшыға балаған болатын.

Дегенмен де оның қойшы емес, кәсіби дәстүрлі әнші екені белгілі болды.

Бұл туралы әншінің өзі "Астарлы ақиқат" бағдарламасында айтып берді, - деп жазады Caravan.kz медиа порталы.

Бұл әнді нақышына келтіріп орындаған әншінің аты-жөні Дінисламбек Жайлаубай екені белгілі болды.

"Бұл жалған ақпарат. Бұл видео жақсы жүріп жатты. Бұдан кейін "25", - деген әнді айтқан болатынмын. Қуырдақ жеп отырып орындаған әнім бар. Сол екі видеом қатты жүріп жатты. Бұл видео Қатон-Қарағайға дейін жеткен, сол жерде біреу өтірік сыбыс естіген болу керек. Ол "Қойшы", - деп жазып жіберген кезде одан да жақсы өтті", - деп айтты ол.

Бағдарламаға қатысқан сарапшылар бұның жақсы пиар болғанын айтты.

Дінислам Жайлаубай қазіргі таңда Нұр-Сұлтандағы "Қазақконцерт" мемлекеттік концерт ұйымының "Халық бөлімінде" дәстүрлі әнші болып қызмет атқарады.

Ол қазір 80-90 мың теңге айлық алатынын айтты. Тіпті бір жылдары елдің дәстүрлі ұлттық өнерге деген көзқарасынан түңіліп, 4 жыл жұмыссыз жүрген кезі де болған екен. 

Пікір қалдырыңыз

Пікір қалдыру тіркелген пайдаланушылар ғана мүмкін