Заңгер Айман Омарова сыйлық қоры 10 млн евро болатын шетелдік беделді марапатқа ие болды - kaz.caravan.kz
  • $ 464.72
  • 496.32
+21 °C
Алматы
2024 Жыл
24 Маусым
  • A
  • A
  • A
  • A
  • A
  • A
Заңгер Айман Омарова сыйлық қоры 10 млн евро болатын шетелдік беделді марапатқа ие болды

Заңгер Айман Омарова сыйлық қоры 10 млн евро болатын шетелдік беделді марапатқа ие болды

Ұлттық Құрылтай мүшесі, құқық қорғаушы Айман Омарова шетелдің беделді сыйлығымен марапатталды

  • 14 Мамыр
  • 37
Сурет: Айман Омарованың мұрағатынан ұсынылды

Бұл туралы Сaravan.kz медиа порталы Zakon.kz-ке сілтеме жасап хабарлайды.

Стефанус сыйлығын 2005 жылы Норвегия өкілдігі мен Stefanus Alliance International құқық қорғау ұйымы тағайындап, бекіткен. Ол дін және сенім бостандығын (FORB), атап айтқанда, басқа да адам құқықтарын ілгерілетуге ерекше үлес қосқан адамға (немесе адамдарға) беріледі. Сыйлық 10 мың евроны құрайды, ал марапаттау рәсімі 13 мамырда Ослода өтеді.

«Өз елімнен жырақта көрсетілген бұл құрметке аң-таңмын».Айман Омарова

Қазақстандағы адам құқықтары жөніндегі заңгер ретінде Омарова экстремизм және терроризм туралы заңдарға сәйкес әділетсіз қудалауға ұшыраған адамдарды қорғайды. Сонымен қатар, ол әртүрлі діндерге жататын азшылықтарды кемсітушіліктен де қорғайды.

«Көптеген жылдар бойында Айман Омарова дауыс алуға құқығы жоқ адамдарға көмектесіп келді«.

Епископ Ингеборг Мидттомме, сыйлықты табыстау комитетінің басшысы

Омарова өз елінде адам құқықтарының бұзылуы туралы ақпаратты тарату және халықтың хабардарлығын арттыру бойынша науқандарды басқарады. Сондай-ақ ол құқық қорғаушылардың «Адам құқықтары жөніндегі заңгерлер» үкіметтік емес ұйымын құрды. Олардың арасында басқа ешкім қабылдауға батылы бармайтын істерді шешу арқылы өз өмірлерін қатерге тігуге дайын кәсіби заңгерлер тобы бар. Омарова — олардың тәлімгері.

«Мен әрқашан адам құқығын қорғауда өз өмірімді қатерге тігуге әзірмін. Менің көптеген қорғауымдағы адамдар театрда өзгемен басқарылатын қуыршақ секілді әрекет ететін судьялардың шешімі бойынша қамауда отыр», — деді Омарова.

Stefanus Alliance International бас хатшысы Эд Браун Омарованы нағыз үлгі тұтуға болатын құқық қорғаушы деп санайды.

«Ол өзінің заңгер қызметін басқаларға қызмет ету үшін пайдаланады. Сондай-ақ ол адам құқықтарын қорғаудан қорықпайтын өз елінің қорғаушысы ғана емес, Омарова өз елінің билігі Шыңжаңдағы қатыгездікке шырмалған азаматтарын қорғауға батылы бармаған кезде жалғыз Қытайға қарсы шықты. Мен марапаттау рәсімі кезінде онымен болатын кездесуді асыға күтемін».Эд Браун

1967 жылы құрылған Стефанустың халықаралық альянсы — дін немесе сенім бостандығына мамандандырылған норвегиялық миссионерлік және адам құқықтарын қорғау ұйымы. Сыйлық атауы бірінші христиан шейітінің құрметіне арналған. Ол екі жылда бір рет беріледі. Жеңімпаздарды Стефанус халықаралық альянсының басқармасы сайлаған тәуелсіз комитет таңдайды.

Соңғы жаңалықтар