Бұл туралы Caravan.kz медиа-порталы Sputnik Казахстан-ға сілтеме жасап хабарлайды.
Облыстық полиция департаментінің мәлімдеуінше, кеше кешкі сағат 23:00-де қарт әйел полицияға қоңырау шалып, жұмыстан кейін ересек ұлы мас болып келіп, қорлағанын, содан кейін оны пәтерден қуып шыққанын хабарлаған.
"Мас баласы ұйықтап қалып, зейнеткер әйел үйіне кіре алмаған. Қараңғы кіреберісте жалғыз қалған әйел қорқып кеткен. Пәтерге келген полиция әжеміздің көзіне жас алып, халат пен тәпішкеде тұрғанын көрді. Полицейлер 15 минут бойы есікті қатты қағып, ер адамды оятты", — деді департамент қызметкерлері.
Қарт әйелдің ұлына қатысты тәртіп сақшылары әкімшілік хаттама толтырып, оған сәйкес ер адам бес тәулікке дейін әкімшілік қамауға алынды.
"Полицейлермен сөйлескен ер адам қарт анасынан кешірім сұрады және алдағы уақытта бұндай әрекет жасамауға уәде берді, — дейді тәртіп сақшылары.
Айта кетейік, жыл басынан бері Павлодар облысының полицейлері отбасылық-тұрмыстық қатынастар саласындағы құқық бұзушылықтарға қатысты 3800-ден астам жағдайды тіркеген.
