Бұл туралы Гамалея атындағы орталық директоры Александр Гинцбург мәлім етті, деп жазды Caravan.kz медиа порталы ҚазАқпарат-қа сілтеме жасап.
Ресейде зерттеулер аясында 6-11 жастағы балаларды коронавирусқа қарсы вакциналау жүргізіледі.
«Коронавирусқа қарсы вакцинаны клиникалық зерттеу үшін 6-7 маусымда стационарға балалар ата-аналарымен бірге ерікті түрде жатқызылады. Бұл үш күнге созылады. Демек, 9-10 маусымда вакцина салу жоспарланған», — деді ол.
РФ Денсаулық сақтау министрлігі 24 қаңтарда 6 жастан 11 жасқа дейінгі балаларға Гамалея атындағы орталық әзірлеген коронавирусқа қарсы вакцинаға клиникалық зерттеулер жүргізуді мақұлдады. Александр Гинцбург зерттеу үш жарым айға созылуы мүмкін екенін атап өтті.