Жарияланды: 430

Жамбыл облысында алғашқы жарты жылдықта тіркелген қылмыстар саны 7,7 процентке кеміді

2003-жылдың бірінші жартысында Жамбыл облысында тіркелген қылмыстар саны 3142-ні құрады, бұл өткен жылғы осы мерзіммен салыстырғанда 7,7%-ке кем,- деп хабарлайды облыстық прокуратурадан.

2002-жылдың қаңтар-маусым айларымен салыстырғанда ұрлық саны 16%-ке, тонаушылық 29,3%-ке, қарақшылық 30,3%-ке, бірқатар аса ауыр және орташа ауыр қылмыстар саны 60,7%-ке кеміді. Прокуратурадағылар бұл көрсеткіштердің азаюын ҚР Қылмыстық Кодексіне сәйкес бірқатар ауыр қылмыстардың орташа ауыр қылмыстар қатарына көшірілуімен байланыстырып түсіндіреді. Облыстық прокуратураның мәліметіне сүйенсек, қасақана кісі өлтіру қылмыстарының саны 33,3%-ке, адамдарды қасақана жарақаттауға қатысты қылмыстар 68,6%-ке, алаяқтық 53,8%-ке азайды. Барлық қылмыстардың 84,2%-і әшкереленді. Биылғы жылдың бірінші жартысында облыстық прокурорлар 174 қылмыстық іс қозғап, олардың 123-іне қатысты материалдар сотқа жіберілді. Сондай-ақ, есепті мерзімде облыстық прокурорлар тіркелмей жасырылып қалған 96 қылмысты анықтады, атап айтсақ, 3 қасақана кісі өлтіру дерегі, адамдарды қасақана соққыға жығып жарақаттауға қатысты 3 дерек, 48 ұрлық, 5 тонаушылық, 15 сотқарлық оқиғалар жасырылып қалған. Бұл қылмыстар тіркеуге алынғаннан кейін олардың 67-сіне қатысты іс сотта қаралды. Құқық қорғау органдарының есептеу-тіркеу тәртібін бұзған 67 лауазым иесі қылмыстық жауапкершілікке тартылды.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть