"Жаз мезгілі қысқа": премьер-министр Бектенов әкімдіктерге ескерту жасады - kaz.caravan.kz
  • $ 464.72
  • 496.32
+24 °C
Алматы
2024 Жыл
23 Маусым
  • A
  • A
  • A
  • A
  • A
  • A
"Жаз мезгілі қысқа": премьер-министр Бектенов әкімдіктерге ескерту жасады

"Жаз мезгілі қысқа": премьер-министр Бектенов әкімдіктерге ескерту жасады

Премьер-министр батыс өңірлері әкімдіктеріне тұрғын үйді қалпына келтіру қарқынын арттыруды тапсырды

  • 11 Маусым
  • 18
Фото - Caravan.kz

Премьер-министр Олжас Бектенов СҚО-ның оң тәжірибесін атап өтіп, батыс өңірлері әкімдіктеріне тұрғын үйді қалпына келтіру қарқынын арттыруды тапсырды, — деп хабарлайды Caravan.kz медиа порталы Tengrinews.kz -ке сілтеме жасап.

Премьер-министр Олжас Бектенов Үкімет отырысында өткен аптада Солтүстік Қазақстан облысында болған жөндеу және құрылыс жұмыстарының барысын жақсы деп бағалады. Бұл ретте Үкімет басшысы басқа өңірлер әлі қажетті қарқынға жетпегенін атап өтті.

«Мен өткен аптада Солтүстік Қазақстан облысына бардым. Жөндеу және құрылыс жұмыстарының қарқыны жақсы. Басқа өңірлер әлі қажетті қарқынды ала-алмай отыр. Тағы да еске саламын – жаз мезгілі қысқа, бәрін белгіленген мерзімде, әрі сапалы етіп жасауға біраз уақыт талап етіледі. Өкінішке қарай, жергілікті билік органдарының жұмысында салғырттық, шешім қабылдауда баяулық, ұйымдастыру ісінде әлсіздік байқалады. Әсіресе Батыс Қазақстан және Атырау облыстарының белсенділігін арттыру қажет. Мерзімдерді мүлдем бұзуға болмайды.

Сондай-ақ, көптеген өңірде су тасқынымен күресу үшін құм мен саздан үйінділер жасалды, топырақ салынған қаптар пайдаланылды. Ендігі кезекте әкімдіктер бәрін өркениетті түрге келтіру керек. Экологияға зиян келтірмес үшін барлық қапшықтарды алып тастап, кәдеге жарату қажет», -деді Олжас Бектенов.

Соңғы жаңалықтар