Жарияланды: 230

Желіде полицейлердің атыраулық «діндарды» ұстау сәтінің видеосы тарады

Желіде полицейлердің атыраулық «діндарды» ұстау сәтінің видеосы тарады Сурет - voxpopuli.kz

Атырау облысының полицейлері есірткі сатумен айналысқан жергілікті тұрғынды ұстады.

Күдікті дәстүрлі емес діни ағымның өкілі болған, деп хабарлайды matritca.kz  порталы  Polisis.kz-ға сілтеме жасап. 

Облыстық Полиция департаменті Діни экстремизмге қарсы күрес басқармасының мамандары Ұлттық қауіпсіздік комитетінің қызметкерлерімен бірге шұғыл ұстау операциясын жүргізіп, 1988 жылғы жергілікті тұрғынды ұстады. Ол синтетикалық есірткі сатумен айналысқан. Сондай-ақ, дәстүрлі емес діни бағытты ұстанған.

Күдіктіні тінту барысында одан синтетикалық есірткі, діни әдебиет және жарылғыш зат жасауға арналған компоненттер табылған. Аталған жайт бойынша ҚР Қылмыстық кодексінің 297-бабымен (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) сотқа дейінгі тергеу амалдары жүргізіліп жатыр.

Сонымен қатар, оған терроризмді насихаттады деген де айып тағылды. Қазір ол қамауға алынған.

 

Пікір қалдырыңыз

Пікір қалдыру тіркелген пайдаланушылар ғана мүмкін