Онда үздіктер қатарынан көрінбегенмен, жалпы есептегі көрсеткіш бойынша «Кonya Torku Seker Spor» командасының спортшысы болгариялық Ивайло Габровксий 28:48:10 уақыт көрсеткішімен негізгі жіктелімде жеңімпаз атанды. Одан 1,33 секунд қалып қойған «Астана» велоклубының шабандозы Александр Дьченко екінші орын алды. Ал Александрдан 5 секундқа кешіккен «Caja Rural» клубының спортшысы Данайл Андонов Петров тұғырдың үшінші сатысына көтерілді.
16 командадан 161 спортшы қатысқан дүбірлі дода 22 сәуір күні Аланияда басталған болатын. Онда Қазақстан намысын Александр Шеффердің жетекшілігіндегі қазақстандық Александр Винокуров, Асан Базаев, Александр Дьяченко, Дмитрий Груздев, Валентин Иглинский, Евгений Непомнящий, Андрей Зейц және итальяндық Якопо Гуарниери қорғады.
