Осылайша, үш кезеңде де біздің спортшыдан басымдық танытқан итальяндық былғары қолғап шебері Олимпиада алтынына бір табан жақындай түсті.
Естеріңізге сала кетейік, 64 келі салмақ санатында жарыс жолына шыққан боксшымыз Данияр Елеусінов 1/16 финалда американдық былғары қолғап шеберін, ал 1/8 финалда ирандық боксшыны айқын басымдықпен ұтқан болатын.
Данияр Елеусінов 21 жастағы астаналық спортшы. Халықаралық санаттағы спорт шебері. Ол Қазақстан чемпионы (2010-2011 жылдары), Азия ойындарының чемпионы (2010 жылы). Данияр жолдаманы жақында елордада өткен Азиялық іріктеу турнирінде қанжығасына байлаған еді.