Туристерді Түркияда демалып жатқан жерінен Таяу Шығысқа туристік компания апарыпты. Бір күндік арзан саяхатқа қызыққан олар күні бойы Израильді армансыз аралап Палестинада тамақтанған. Кенет атыс басталып, жерлестеріміз оқ пен оттың ортасында қалып қойыпты. Қазақстанның Израильдегі өкілі тентіреген 13 туристі қауіпті аймақтан алып шықты. Арасында Диана Назарова да бар. Бір топ туристің Палестинадан шыға алмай жатқанын әлеуметтік желіге жазған сол еді. Олар бүгін түнде Түркияға, одан соң елге қайтарылмақ.