Бұл туралы Ұлттық экономика министрлігінің кәсіпкерлікті қолдау департаменті директоры Ғалия Жолдыбаева хабарлады.
«Ұлттық экономика министрлігі банкпен шағын және орта бизнеске қолдау жобаларын іске асыру туралы келісім бекітуді жоспарлап отыр. (…) Бизнестегі әйелдерді қолдау бағдарламасы бойынша кәсіпкер қыз-келіншектерге 41 млн доллар несие беруді қарастырады», — деді ол ЕҚДБ-нің бизнестегі проблемалар жөніндегі форумында.
Бағдарлама шеңберінде консалтингтік қызмет түрлерін көрсету, 750 кәсіпкер әйелге тренингтер мен семинарлар, кәсіпкерліктің қыр-сырын үйрететін курстар ұйымдастыру жоспарланған.