Мұрат Оспанов миллиардтан астам айыппұл төлейтін ақша таба алмай жатыр

Енді Оспанов қыркүйекке дейін қомақты қаржыны қалайда табуы тиіс. Естеріңізге салсақ, ақпанда сот Мұрат Оспановты ірі көлемде пара алғаны үшін соттап, жаңа Қылмыстық кодекске сай 1 миллиард 101 миллион теңге  айыппұлды 1 айдың ішінде төлеуге үкім кескен. Экс-шенеуніктің қайта шағымдануына құқығы бар болған. Бірақ, Оспанов үкіммен бірден келісті. Сондай-ақ, ол өмір бойы мемлекеттік қызмет атқара алмайды және бүкіл мүлкі тәркіленеді. Оспанов «электр энергиясының құнын көтеру үшін «Атырау жарық» компаниясынан 300 мың доллар пара алды» деген күдікпен ұсталған болатын. Экс-шенеунік болса, қыруар қаржыны қызының ұзату тойы үшін кәсіпкер досымнан алдым деп сол күйі кінәсін мойындамай кетті.