Мұнай бағасы арзандады

Американың қор биржасы сейсенбі күнгі сауда нарығын құлдыраумен аяқтады. Бағалардың арзандауы мұнай-газ, ақпараттық байланыс және технологиялыр саласында байқалған. Сауда тоқтағанша Нью-Йорктегі «Доу Джонс» қор биржасы 0,08%-ға төмендеген. Инвесторлар назарынан тыс қалмайтын мұнай да арзандады. Солтүстік теңізде өндірілетін «Брент» маркалы мұнайдың сәуір айындағы фьючерстері 6,2%-ға құлдырап, 30,8 долларға бағаланды. Ал «Ви-Ти-Ай» маркалы қара алтынның баррелі 2%-ға төмендеп, 28,46 долларға сатылды. Токио қор биржасы да таңғы ашылымын төмен бағамен бастады. Әлемнің жетекші 225 компаниясының құнды қағаздары «Никкей» индексі бойынша 0,22%-ға арзандаған.