Алматы қаласының билігі заңсыз салынған 44 нысанды сүріп тастайтын болды. Жуырда Елбасының қатысуымен өткен жиында осы кемшіліктер қатаң сынға алынған еді. Енді тау бөктерінде ешқандай құрылыс жұмыстарын жүргізуге рұқсат жоқ. Дегенмен Әл-Фараби даңғылынан жоғары жерде 6,5 мың гектар аумақ бар. Егер онда құрылыс нысандары салынатын болса, оның биіктігі 15 метрден аспауы тиіс. Жергілікті билік өкілдері Наурызбай ауданындағы өзен жағасына да үйлер салуды шектеу керектігін айтып отыр.
Болат Сауранбаев, қала әкімінің орынбасары:
— Біз «Медеу» табиғи паркіндегі 15 нысанды тексердік. Бес нысанның рұқсаты жоқ. Оларды енді сот шешімі арқылы бұзуға туралы келеді. 2017 жылы Алматыда өтетін бүкіләлемдік универсиада үшін қазір 11 нысан салынып жатыр. Осы жылдың 30 тамызына дейін негізгі құрылыс жұмыстары толық аяқталуы тиіс.