Екі жасар украиналық қыз бала рекорд орнатты. Злата Поплавская әлемдегі 238 елдің мемлекеттік туын таниды. Кез келген жалаудың қай мемлекетке тиесілі екенін Киев қаласының тұрғыны еш көмегінсіз айтып бере алады. Бүлдіршіннің керемет қабілеті 1,5 жасында байқалды. Сол кезден бастап жас қыз әріпті де тани бастады дейді анасы. Енді дарынды бала Гинестің рекордтар кітабына енуді жоспарлап отыр.
Лана Ветрова, Ұлттық рекордтар реестрінің жетекшісі:
— Біз енді әлемдік рекорд орнатуға тырысамыз. Егер баланың бұл қабілеті әлемдік сараптамадан сәтті өтсе, онда дарынды қыз Гинестің кітабына енуі әбден мүмкін. Әзірге біз Украина рекордын тіркеп отырмыз.