Өскемендегі су арнасы мекемесінің мамандары кәріз қалдығынан келетін жағымсыз иісті жоюдың тың әдісін жүзеге асырмақ, деп хабарлады 24.кз.
Олар бұл тұрғыда канадалық әріптестерінің тәжірибесін пайдаланбақ. Құны 111 млн теңгелік эко-жоба арқылы тұнбалық шұңқырларға иіске қарсы арнайы ерітінді өткізілетін жүйе орнатылады. Жаңа құрылғы қыркүйек айынан бастап қолданыcқа енгізіледі. Ең маңыздысы, тың әдісті жүзеге асыруда тұрғындардан қосымша төлем алынбайды.
— Метеостансада құрылғыны орнату жұмыстары жүріп жатыр. Желдің күшіне, температурасына қарай сұйықтықты өткізу көлемі ауыстырылып отырады. Нәтижесінде жағымсыз иіс толықтай жойылады, дейді «Өскемен-Водоканал» КММ бөлім жетекшісі Наталья Лукерина.