Бұл туралы 31 арнаның “Айта берсін” бағдарламасында айтылды, деп хабарлайды Stan.kz ақпараттық агенттігі.
Алайда Аша эфир тізгінін ұстау бала тәрбиесіне қолбайлау бола алмайтынын айтады. Әсіресе, қазір. Себебі тележүргізуші осыдан бірер күн бұрын қызы Асылымды бала-бақшаға берген екен.
“Балапанымызға ұнап жатыр. Бірақ өзі үлкен кісілермен ойнап үйренген. Сондықтан балалармен ойнау керектігін түсінбейді. Балалар ойыншығын тартып алса ұрыспайды, жылап қалады. Ал егер сұраса, өздігінен бере салады. Өзі мейірімді”, – дейді Аша.
Ал жұбайының жұмыс істеп жүргеніне қатысты Арман Қоңырбаев былай деп пікір білдірді:
“Қазіргі заманда әйел адам бәріне үлгеру керек деп ойлаймын. Бұл – Ашаның өз таңдауы. Мен Ашаға: “Үйде отыр, бала қара”, – деп айтқанмын. Бірақ үйленген кезде жұмысына шектеу қоймаймын деп уәде бергенмін. Кейбір жұмыстарға рұқсат бермедім. Бірақ тележүргізуші ретінде қолдаймын. Өзім уәде бергендіктен, жібердім жұмысқа. Балаға да үлгеріп жатыр. Бірақ қазір де айтып жүрмін, демалсайшы, үйде отыр деген секілді”.
Ашаның айтуынша, Арманның қатаң талаптар қоюы – оның өзімшілдігінен емес. Отағасы, бірінші кезекті Ашаның денсаулығы үшін алаңдайтын көрінеді.
“Шынымен де мені қатты аяйтыны бар. Уайымдайды, анаған да жүгіресің, мынаған да жүгіресің, ұйқың қанбайды деп. Өзіңнің арманың, бірақ мүмкін өзіңнің денсаулығыңа қарайсың, әйел затына жақсы ұйықтау керек, денсаулығын, бетін күту керек. Тағы да нәресте дүниеге әкелу керек. Сондықтан нағыз ер азамат ретінде уайымдайды”, – дейді Аша.
Оқи отырыңыз:
Катар Алматыға инвестиция салу мүмкіндігін зерттеуде
Астананың әр ардагері медициналық көмекпен қамтамасыз етіледі
Астананың әр ардагері медициналық көмекпен қамтамасыз етіледі