Өнер иесі әлеуметтік желідегі парақшасына қиын кездері туралы айтылғанда өксіп жылаған бейнежазбасын жариялады.
Видеода Жазираның құрбысы жұлдызды отбасының қиын шақтары туралы баяндайды. Оны естіген Жазира көз жасына ерік береген. Өнер иесі бұл қылығын көңілшектігім деп түсіндірді.
«Бойым кішкентай болса да, дауысым жіңішке болса да, бетімде аздап сепкілдерім болса да, мені жақын танитындар құрметтейді, Аллаға шүкір! Тек көңілшектігім болмаса», — деп жазды Жазира Байырбекова.
Жанболат пен Жазираның басынан өткен қиыншылықтар туралы оның құрбысы айтып берген болатын. Өзінде жоқ болса да, өзгеге қол ұшын берген отбасы көп адамның ықыласына бөленгенге ұқсайды.