Айтуынша өңірде теке сақал қойып, хиджаб пен ниқабқа оранғандар cаны тым көбейген, деп хабарлайды Сaravan.kz.
Бұл туралы ойын ол желідегі парақшасында мәлімдеді.
«Ұшақтың алдыңғы жағынан орын тиді. Ел аяғы басылды-ау дегенде әжетханаға шықтым. Онысы тұп-тура соңында екен. Ұшу уақыты қайта-қайта шегірілген еді, таңғы 7.35 тегі рейске бестен тұрып дайындалатының рас қой. Ел қалың ұйқыға кетіпті. Жол-жөнекей сақал қойған еркектер көзге еріксіз түсті. Қарайын деп қарамайсың ғой, ұшақтағының жартысынан көбі теке сақалы тікірейіп қорылға басыпты.
Екі-үш күн Исатай ауданында болып, бүгін Атыраудың орталық алаңын түсіріп жатқанбыз. Хиджаб былай тұрсын, етегі жер сүйреген қыз-келіншектер ниқаб киюге біржола көшіп алыпты. Тіпті жасөспірім қыздарын да орап қойған. Барлығы жастар. Мен қорқайын дедім, жо-жоқ, қорқып отырмын», — деді ол.
Көпшілік журналистің жанайқайын жоққа шығармаған. Олар Атырау облысында шынымен де діни ахуал қиын екенін ашық айтқан.
«Бұл жақта осылай оранғандар өте көп, бастапқыда сенбеп едім, кейін іс-сапармен барғанда өз көзіммен көрдім, қиын жағдай», «Өздерімен қоса балаларын да тұмшалап қояды, билік қайда қарап отырғанын білмейсің?», «Иә, дұрыс айтасыз, солай деп естідік» деп жазды олар.