Тәртіп сақшылары Алматыдағы ЖШС-нің бірінде заңсыз улы зат сақтау дерегін әшкереледі

Алматылық тәртіп сақшылары мен прокуратура қызметкерлері дәрі-дәрмек саудасымен шұғылданатын ЖШС-нің бірінде заңсыз улы зат сақтау дерегін әшкереледі. Бұл туралы KZ-today тілшісіне Алматы қалалық ІІББ-ның баспасөз орталығынан хабарлады.

ЖШС-нің зертханасынан 950 грамм «фенол» табылды. Бұл ұйымның медициналық қызметкерлерінде улы затты сақтауға рұқсат беретін ешбір рұқсат қағаздары болмай шыққан.

Улы зат тәркілеп алынды. Тергеу амалдары аяқталғанға дейін зертхана қызметкерлері ешқайда кетпеу жөнінде қолхат берді, деп хабарлайды ІІББ.