Парламенттің бірлескен отырысында ҚР Конституциялық кеңесінің төрағасы ант береді

1-қыркүйек, сәрсенбіде өтетін парламент палаталарының бірлескен отырысында Елбасының жарлығымен биылғы маусым айында ҚР Конституциялық кеңесінің төрағасы болып жаңадан тағайындалған Игорь Рогов ант береді деп күтілуде. Бұл туралы KZ-today тілшісіне мәжілістің баспасөз қызметінен хабарлады.

Бұдан бұрын да хабарлағанамыздай, парламент палаталарының бірлескен отырысы екінші шақырылған парламенттің соңғы алтыншы сессиясының ашылуына арналады. Екінші шақырылған парламент депутаттарының өкілеттілік мерзімі 2004-жылдың желтоқсан айына дейін созылады. 19-қыркүйекке белгіленген мәжіліс депутаттарының сайлауында жеңіске жеткен халық қалаулылары 1-желтоқсанда үшінші шақырылған парламенттің алғашқы сессиясына жиналады.