Шымкентті жылумен қамтамасыз ететін "Энергоцентр-3" кәсіпорны Қазақстан коммуналдық жүйелеріне сенімді басқаруға берілді

Шымкент тұрғындарының 70 процентін жылумен қамтамасыз ететін "Энергоцентр-3" АҚ "Қазақстан коммуналдық жүйелері" акционерлік қоғамына сенімді басқаруға берілді. Бұл туралы Шымкентте өткізілген баспасөз мәслихатында облыстық коммуналдық шаруашылық департаментінің төрағасы Мұрат Сәбденов хабарлады.

М.Сәбденовтың айтуынша, коммуналдық меншіктегі кәсіпорынды сенімді басқаруға беру оның қаржылық-шаруашылық іс-қызмет көрсеткіштерінің нашарлап кетуіне байланысты. Оның айтуынша, өткен қаржылық жылды кәсіпорын 187 млн. теңге мөлшеріндегі шығынмен аяқтаған.

«Қазақстан коммуналдық жүйелері» АҚ жылу энергетикалық компанияны сатып алу құқығынсыз 10 жыл басқарады. Акционерлік қоғам басқару мерзімінде кәсіпорынға 463 млн. теңге көлемідн инвестиция салуға міндеттеме жүктеп алды.