Ақтөбе облысында қылмыстық топтардың арасындағы атыс кезінде бір қылмыскер оққа ұшты

Ақтөбе облысында ұйымдасқан қылмыстық топтардың арасындағы атыс кезінде бір топтың мүшесі оққа ұшты. Бұл туралы бүгін, 19-қаңтарда KZ-today тілшісіне Ақтөбе облыстық ІІБ баспасөз қызметінің бастығы Жанболат Жұмағазин хабарлады.

Оның айтуынша, 5-қаңтарда Қандыағаш қаласында екі қылмыстық топтың арасында атыс шыққан. Қылмыстық топтың бір мүшесі — 23 жастағы Мұғалжар ауданының тұрғыны оқ тиіп оқиға орнында мерт болды.

17-қаңтарда осы дерек бойынша түрлі қылмыстық топтарға жататын екі күдікті ұсталды. Олардың бірі — жұмыссыз, екіншісі — жеке меншік фирмада күзетші болып істейді.
Атысқа қатысқан басқа қылмыскерлерге іздеу жарияланды. Тергеу амалдары жүргізілуде. Тәртіп сақшылары екі қылмыстық топтың өзара қырқысуына қандай себеп түрткі болғанын анықтап жатыр.