2005-жылдың қаңтар айында Қазақстан қор биржасындағы сауда-саттықтар көлемі 19,3 процентке азайды

2005-жылдың қаңтар айында Қазақстан қор биржасындағы сауда-саттықтар көлемі 2004-жылғы желтоқсан айымен салыстырғанда 19,3 процентке азайып, 6,18 млрд. доллар, немесе, 804,6 млрд. теңгені құрады,- деп хабарлайды KZ-today тілшісі.

ҚР Ұлттық банкінің мәліметіне сәйкес, 2005-жылдың қаңтар айында Қазақстан қор биржасының шетелдік валюталар секторында 552 млн. АҚШ долларының , 2,28 млн. евроның , 15 млн. ресей рублінің биржалық операциялары жүзеге асырылды.

Биржадағы орташа айырбас бағамы қаңтар айында мынадай болды: 1USD — 129,99 теңге, 1EUR — 169,80 теңге, 1RUR- 4,64 теңге.