«Қаржы осы аптаның аяғында аударылады»,- деді әкім. Оның айтуынша, жуырда қалалық әкімшілікке үкіметтің Семейге қажетті қаржы бөлу туралы қаулысына қол қойғаны туралы ақпарат келіп түскен.
Бұдан бұрын да хабарлағанымыздай, Семейде жылыту маусымы 15-қазанда басталады деп межеленгеніне қарамастан, қаржы жоқтықтан қалаға бүгінгі күнге дейін көмір жеткізілмеген.
Биыл үкімет жөндеу жұмыстарына 1,5 млрд. теңге бөлді. Бағдарлама бойынша бірнеше нысан жаңаланып, үш қазандықтың алты қазандық агрегаты ауыстырылып, жылу желісінің үш учаскесі жөнделді.
Ал Семейдің «Жылукоммуналдықэнергиясы» РМК жаңа жылыту маусымын дұрыс бастау үшін тағы да 730 млн. теңге қажет деп мәлімдеуде. 400 млн. теңгесі жабдық сатып алу мен жылу көздерін қалпына келтіруге, ал 330 млн. теңгесі отын қорын сатып алуға жұмсалады.
Шығыс Қазақстан облысының әкімі Виктор Храпунов үкіметке республикалық бюджеттен қалаға қаржы бөлу жөнінде өтініш жасаған. Алайда, жуырға дейін бұл мәселе шешілмей келген болатын.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
