Алматы. 18 маусым. "Қазақстан Бүгін" - Алматы қаласының ІІД жол полициясының жұмысында сыбайлас жемқорлыққа қарсы шаралардың кешенін іске асыруда. Бұл туралы кеше сыбайлас жемқорлықпен күрес мәселелері жөніндегі Алматы өңірлік комиссиясының отырысы соңында Алматы қалалық ІІД бастығы Ерлан Тұрғымбаев мәлім етті, деп хабарлайды "Қазақстан Бүгін" агенттігінің тілшісі.
ІІД бастығының хабарлауынша, көлік құралдарын тіркеу тәртібі оңайлатылған, мемлекеттік нөмір беруге тәртіп енгізілген. «Ерекше, мәртебелі нөмірлер болмайды. Олар ендігәрі шығарылмайды. Ал қазіргі бар нөмірлер компьютер арқылы беріледі», — деді Е. Тұрғымбаев.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті