Осынау ірі транспорттық жоба бойынша келісімге республика үкімет басшысы Кәрім Мәсімов пен жуырда Қазақстанға үш күндік сапармен келген Әлемдік банк тобының президенті Роберт Б. Зелликтің кездесуінен кейін жария етілді.
Әлемдік банк Шымкент пен Ақтөбе арасындағы ұзындығы 1025 шақырымдық жолға жөндеу жүргізу және салу жұмыстарын қаржыландырады деп күтілуде. Әлемдік банк қолдаған жол салу жобасы жалпы құны 7,5 млрд долларды құрайтын жобаның бір бөлігін құрамақ. Оның аясында Қазақстанның Қытаймен шекарасынан (Қорғас) бастап Ресеймен арадағы шекарасына (Сырым) дейінгі ұзындығы 2800 шақырымдық жолы жаңартылады. Жоба ендігі жылы жүзеге асырыла бастайды. Бұл Орталық Азиядағы ең ірі инфрақұрылымдық жоба болмақ.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті