Душанбе. 24 маусым. "Қазақстан Бүгін" - Жобалық қуаты 167,5 МВт-ты құрайтын және ай сайын 72 млн кВт-сағат электр қуатын өндіретін Сангтуда-1 су электр станциясының екінші агрегаты пайдалануға 28 маусымда беріледі деп жоспарланып отыр. Бұл туралы дүйсенбі күні РАО "ЕЭС России" "Желісінің" Бизнес-бірлігінің басқарушы директорының орынбасары Михайл Цой мен Тәжікстан Республикасының энергетика және өнеркәсіп министрі Шерәлі Гулдың жетекшілігімен өткен штаб отырысы барысында "Сангтуда - 1 су электр станциясы" ААҚ құрылыс басқармасынан мәлім етілді, деп хабарлайды "Қазақстан Бүгін" агенттігінің тілшісі "Азия-Плюс" ақпарат агенттігіне сілтеме жасай отырып.
«Ал Тәжікстан президенті Эмомали Рахмон, РАО «ЕЭС России» төрағасы Анатолий Чубайс пен Ресей Федерациясы үкіметінің вице-премьері Сергей Нарышкиннің қатысуымен өтетін екінші агрегаттың іске қосылуының ресми салтанатты рәсімі алдын ала 2 шілдеге жоспарланған», — деп атап көрсетілген ақпарат агенттігі таратқан хабарламада.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті