Өзбекстан президенті Ислам Кәрімовтың «2004-жылғы 1-тамыздан бастап жалақы, зейнетақы мен әлеуметтік жәрдемақылардың, сондай-ақ, студенттердің шәкіртақысының мөлшерін арттыру туралы» жарлығына сәйкес ең төменгі жалақы мөлшері айына 6530 сом ($6,4) болып белгіленді. Ал жасқа қарай белгіленетін зейнетақы мөлшері 12920 сом ($12,6), қарттарға арналған және еңбек өтілі толмаған, жұмыс қабілетінен айрылған азаматтарға арналған жәрдемақы 7825 сом ($7,6) болмақ.
Өзбекстан үкіметіне жалақыға, зейнетақыға, баласы екі жасқа толғанға дейін аналарға баланың бағым-күтіміне арналған жәрдемақыға, балалы отбасыларға арналған жәрдемақыға арналған төлемдер мен өтемақыларға қосылатын үстемелерді 1-тамыздан бастап беру тапсырылды. Барлық төлемдер республикалық бюджет пен бюджеттен тыс зейнетақы қорының есебінен төленеді. Қазіргі таңда Өзбекстандағы ең төменгі жалақы мөлшері 5444 сомды ($5,3) құрайды. $1=1020 сом.
- $ 510.59
- € 578.91
Алматы
- РУС
- ҚАЗ
2025 Жыл
22 Мамыр
