2003-жылы Алматы қалалық денсаулық сақтау департаментінің бюджеті 12 процентке арттырылды

Оның айтуынша, бұл қаржының 90 проценті халыққа кепілді әрі тегін медициналық көмек көрсету мақсатына жұмсалады. Атап айтсақ, биылғы жылы амбулаториялық жағдайда емделуге тегін дәрі-дәрмек тарату мақсатына 139 млн. теңге бөлінді. В.Девятконың айтуынша, департаменттің бюджеті жыл сайын 10-15 процентке ұлғайтылып отырғанына қарамастан тегін көрсетілетін кепілді медициналық көмекке бағышталған қаржының тапшылығы бұрынғыдай басты тауқымет ретінде қалып отыр. Келесі бір тауқымет - 85 проценті шетелдерден әкелінетін дәрі-дәрмек бағасының қымбаттығы болмақ. Дейтұрғанмен, департамент төрағасының айтуынша, елімізде жүзеге асырылып жатқан импорт алмастыру бағдарламасы аясында отандық фармацевтикалық кәсіпорындар саны біртіндеп артып, олардың қазіргі саны 89-ға жетті.