Қырғызстанның Ыстықкөл облысының полициясы "Әлем миссисі-2018" Сәния Шәкірова жол апатына түсіп, қаза тапқан көліктің фотосын жариялады, деп хабарлайды sputniknews.kz
Апат 2 маусым күні кешке Ыстықкөл облысындағы Чок-Тал ауылына жақын маңда болған. Такси жүргізуші рөлге ие бола алмай қалып, автокөлік зираттың қоршауына соғылған. Көлікте барлығы үш адам болған.
"Шәкірова ауыр жарақат алып, оқиға орнында жан тапсырды. Екінші жолаушы 38 жастағы ер адам облыстық ауруханаға жеткізілді. Жүргізуші Бішкек травматология және ортопедия ғылыми-зерттеу орталығына жатқызылды", — деп жазады Sputnik Қырғызстан.
Шәкірованың артында кәмелетке толмаған үш баласы қалды
Осы жылдың сәуірінде Miss Universe Beauty халықаралық сұлулық байқауында 30 жастағы Сәния Шәкірова "Missis World" номинациясын жеңіп алған еді.
Ол соңғы сұхбатын сәуірдің соңында Sputnik Қырғызстанға берді. Онда Шәкірова 17 жасында Мәскеуге барып, сұлулық салондарында жұмыс істегенін жасырмай айтқан болатын. Бірнеше жыл бұрын Қырғызстанға оралып, өз елінде сұлулық салонын ашқан. Ал екі ай бұрын ғана "Әлем миссисі" титулын жеңіп алған болатын.
Оқи отырыңыз:
Алматы облысында 19 жастағы қыз менингококк инфекциясынан қайтыс болды
Данияр Елеусінов өзін Головкинмен салыстыратындарға жауап қатты
«Әлем аруы-2018» байқауының жеңімпазы жол апатынан қаза болды
