Жарияланды: 500

Алматы облысында 1000 гектардан астам алқаптағы егістік түсімі бұршаққа соғылып, шығын 15 млн. теңгеден асты

Алматы облысының Ескелді ауданында 2003-жылдың 22-шілдесінде кешкі сағат 17-ден 40 минут кеткенде құйынды жел соғып, соңынан жауған жаңбырдың аяғы бұршаққа ұласты. Соның салдарынан Алдабергенов және Жаңалық ауылдарында 8 жер үйге зақым келіп, ағаштар құлады, байланыс және электр тарату желісі үзілді. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Агенттік мәліметіне сүйенсек, 309 гектардағы қант қызылшасының , 420 гектардағы соя бұршағының, 146 гектардағы бидайдың, 20 гектардағы көкөністің, 19 гектардағы картоптың, 139 гектардағы жүгерінің түсімі бұршаққа соғылды. Жалпы шығын 15 млн. 120 мың теңгені құрады. Сондай-ақ, Бақтыбай ауылдық округінде №1 малшаруашылығы фермасының ғимаратына зақым келді.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть