Жарияланды: 1100

Алматыда Ертіс мыс балқыту зауытының жұмысшыларын қолдау мақсатында митинг өтті

30-шілдеде Алматыда Ертіс мыс балқыту зауытының жұмысшыларын қолдау мақсатында митинг өтті,- деп хабарлайды KZ-today тілшісі.

Шараны Қазақстан жұмысшылар қозғалысы мен Қазақстан Коммунистік партиясы ұйымдастырып отыр. Оған 100-ден астам адам қатысты. Ертіс мыс балқыту зауытының кәсіподақ комитетінің төрағасы Иван Булгаковтың митингде айтуынша, жұмысшылар зауытты Шығыс Қазақстан облысының коммуналдық меншігіне немесе кәсіпорын жұмысшалырының ұжымына беруді талап етіп отыр. И.Булгаковтың айтуынша, қазір Шығыс Қазақстан облыстық халықты әлеуметтік қорғау мекемелерінде зауыттың бұрынғы 1,5 мың жұмысшысы тіркеуге алынған. Жалпы алғанда, зауыт орналасқан Глубокое ауылында 10 мың адам тұрады. И.Булгаковтың айтуынша, Алматыдағы митинг бүкіл ел бойынша ұйымдастырылатын осындай наразылық шаралары сериясының алғашқысы болып табылады.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть