Оқыс оқиға салдарынан жапа шеккен адамдар жоқ. Қазір бұл жерде жол полициясы қызметкерлері жұмыс жасап жатыр.
Естеріңізге сала кетейік, кеше Алматыда үздіксіз қар жауып, жол қозғалысы қиындаған.
Қалалық ІІД баспасөз хатшысы Салтанат Әзірбектің айтуынша, бір тәуліктің ішінде көктайғақтың салдарынан 122 жол апаты орын алған. Олардың көбі қысқы дөңгелекті ауыстырып үлгермеген жүргізушілер екендігі анықталды. Бұл жайттардан адамдар жапа шекпеген.
Ішкі істер департаментінің өкілі жүргізушілерді өзінің және өзгенің өміріне жауапкершілікпен қарап, қауіпсіздік шараларын сақтауға шақырды.
«Қазгидромет» РМК болжамына сәйкес, аптаның соңына дейін Алматыда ауа райы жылына бастайды. Алайда түнде ауа температурасы -8, -13 градусқа дейін жетуі мүмкін. Сондықтан көктайғақ пен тұман аптаның соңына дейін сақталады.
