Алматыда "Сорос-Қазақстан" қорының "Сайлау аралық қашықтық" тақырыбындағы жаңа жобасының қоғамдық тұсаукесері өткізіледі

Тұсаукесерге ҚР парламентінің депутаттары, ҚР президенті әкімшілігінің, саяси партиялардың, халықаралық және бейресми ұйымдардың өкілдері, сарапшы-талдаушылар мен журналистер шақырылған. "Сайлауаралық қашықтық" жобасының басты мақсаты -нақты дәлел-дәйекке негізделген азаматтық диалогты Қазақстан қоғамындағы саяси мәдениет аясына кіріктіру, өркениетті интерактивті саяси коммуникациялар жүйесін сайлау алдындағы кезеңде қолданысқа енгізу болып табылады. Жоба 2004-жылдың ақпан-қараша айлары аралығында 10 айға созылады. Жобаны "Сорос-Қазақстан" қорының "Жергілікті өзін-өзі басқару" бағдарламасы мен Local Government Initiative and Public Service Reform (LGI/OSI-Budapest) - Matching Funds тәрізді желілік бағдарламалар қаржыландырады.