-Ойбай, балам қайда?
Жол апаты таңғы сағат төрттер шамасында болды. Солтүстік бағытта қатты жылдамдықпен келе жатқан көлік көше шамы қойылған бағанға соғылған. Тізгінде 28 жастағы әйел екен. Қатты соққыдан доңғалағы мен алдыңғы есігі жұлынған көлік жарамсыз болып майысқан. Ал, ішінде отырған кішкентай нәресте бірнеше метр жерге ұшып түсіпті. Қалған жолаушыларды құтқарушылар көліктен шығарып алды. Жедел жәрдем қызметі жүргізушінің 4 жасар ұлы мен күйеуін ауруханаға жеткізген. Бірақ олардың жанында отырған тағы екі адам ауыр жарақаттан қаза тапты. Ал аман қалған бір жігіт өздерінің кафеден тойлап шыққанын айтты.