Алматыдан 244 шақырым қашықтықта жер сілкінді

3 қыркүйек күні Алматы уақыты бойынша сағат 00:45-те «ҚР БҒМ ҰК СТӘЭ» ММ-нің сейсмикалық стансаларының желісі жер сілкінісін тіркеді. Оның ошағы Алматы қаласынан оңтүстік-батысқа қарай 244 шақырым қашықтықта Қырғызстан аумағында орналасқан. Жер сілкінісінің энергетикалық класы - 9.6, магнитудасы - 4,2. Тереңдігі - 5 шақырым. Алматыда жер асты дүмпуі сезілген жоқ.